{"id":29481,"date":"2023-07-21T14:16:33","date_gmt":"2023-07-21T12:16:33","guid":{"rendered":"https:\/\/ecoblog.mcp.es\/l4r\/?p=29481"},"modified":"2023-07-21T14:16:33","modified_gmt":"2023-07-21T12:16:33","slug":"escombrarte-obra-hondakina-arte-bihurturik","status":"publish","type":"post","link":"https:\/\/ecoblog.mcp.es\/l4r\/escombrarte-obra-hondakina-arte-bihurturik\/","title":{"rendered":"\u201cEscombrarte\u201d, obra-hondakina arte bihurturik"},"content":{"rendered":"

\u201cEscombrarte\u201d eskulturako nazioarteko lehiaketa bat da, eraikuntzatik heldu diren material birziklatuekin egiten diren eskulturena eta \u00c1ridos y Transportes Alberto Gil<\/strong><\/a> enpresak antolatzen duena, \u201cAR Los Huertos\u201d eraikuntza- eta eraiste-lanetako hondakinak birziklatzeko bere zentroaren bidez. Egun hauetan, hamabigarren edizioa abiarazi dute, eta bertan parte hartu ahal da 2023ko abuztuaren 31 bitartean.<\/p>\n

Helburua da sormena eta ingurumena zaintzea bultzatzea, birziklapenaren artearen bitartez. Bi ildo tematiko paralelo ditu, artelan guztiak bateratzen dituztenak: alde batetik, arte iraunkorrarena, eraikuntzako obretatik, eraiste-lanetakoetatik, eraberritze-lanetakoetatik heldu diren material birziklatuak erabiltzen dituena; eta, bestetik, gizartearen, ekonomiaren eta ingurumenaren arazo handiekin konprometituta dagoen artearen tradizio historiko handia. Horrenbestez, erakusketaren sormen-indar handiari helarazten dituen mezuen indarra gehitu behar zaio.<\/p>\n

Uztailaren 1az geroztik, Iru\u00f1erriko Mankomunitateak<\/strong><\/a> Atarrabiako Pilategira joaten den ororen esku jarri du lehiaketaren aurreko edizio guztietako artelanen hautaketa bat. Artelan horiek, eraikuntzako hondakinak erabilita, produktu berritzaileak eratzen dituzte, bizi berria hartu dutenak eta ekonomia zirkularra sustatu dutenak. Egun, birziklapenaren artea esaten dioguna da, hainbat artistak gauzatu zutena lehenago, besteak beste, Picassok eta Braquek.<\/p>\n\"\"\n

Reyes Lobo proiektuaren antolatzailea eta sortzailea da. \u00c1ridos y Transportes Alberto Gil enpresako kidea da. Enpresa hori familia-enpresa bat da, Segoviakoa, eta garai batean agregakinak egiten eta garraiatzen aritzen zen, eraikuntzako material moduan. \u201cEnpresa ongi zihoan, baina eraikuntzaren arloko krisiarekin berehala ohartu ginen egokitu egin behar ginela eta birziklapenak, ingurumena zaintzeak eta material berriak sortzeak gure giltzarria izan behar zuela \u2013ekarri du gogora Reyesek\u2013. Hortaz, maletak egin eta Logro\u00f1ora bidaiatu genuen, makineriari eta birziklapenari buruzko biltzar batera. Eta hura gakoa izan zen gure proiekturako\u201d.<\/p>\n

2010ean, enpresa horrek eraikuntzako materialen birziklapen-planta bat jarri zuen abian. \u201cProiektuan sinesten genuen. Aukera asko ikusten genizkion, eta espero genuen gainerako enpresek eta publikoak ere, oro har, argi ikusiko zizkiotela. Ahalegin guztia egin genuen publizitatea egitean hedabideetan, udalak bisitatzean\u2026 Baina gure ahaleginek ez zuten eman espero genuen emaitza\u201d.<\/p>\n

Reyesek ondorioztatu zuen helarazi nahi zuten mezua ez zela barruraino sartzen ari, baina ez zen koldartu. Bere plantari begira jartzen zen bakoitzean, irudimenak hegan egiten zuen eta iristen zen materialak zenbat istorio konta zitzakeen pentsatzen zuen, zenbat esperientzia eta bizipen. Eta orduan, lehiaketa baterako deia egiteko ideia bururatu zitzaion.<\/p>\n

\u201cPentsatu nuen istorio haiek artearen bidez kontatu behar zirela. Eta badirudi 30 artista nire ondorio berberera iritsi zirela, haiek guztiek aurreneko urteko deialdian parte hartu baitzuten\u201d.<\/p>\n

Urte hartan, hain zuzen, Reyesek kartelez bete zuen hiria eta zarata egin zuzen sare sozialetan. Gero, edizio gehiago iritsi ziren eta parte-hartzaile gehiago, hainbat herrialdetatik etorriak, besteak beste, Frantziatik, Portugaldik eta Italiak, eta, beraz, lehiaketa nazioartekoa izatera igaro zen.<\/p>\n

\u201cProiektua gorpuzten joan zen. Artelanak toki desberdinetan erakusten hasi ginen, pertsona gehiagok eduki zezaten ikusteko aukera. Konturatu ginen, hiri-hondakinen birziklapena nahiko orokortua den gauza bat den moduan, dela hondakin horiek hurbilagokoak zaizkigulako, dela garbiagoak direlako, gero eraikuntzaren katean sartuko zen eta birrintzera bidaliko zen material bat biziberritzen ikusteak harritu egiten gaituela beti. Erakusketa Quintanar jauregian<\/strong> kokatu genuenean, hain zuzen, horri egin genion aipamena: hondakindegi batean hasi zenak jauregi batean amaitu zuen, eta hori ekonomia zirkularra denaren definizio ona da. Hemen beti zaintzen dugun ekonomia zirkularra, zehazki\u201d.<\/p>\n

DE LA BASURA A LA PEANA<\/a><\/p><\/blockquote>\n