Xiaoyuan Ren Txinako landa-ingurune batean jaio zen, eta bertan ura, ezinbesteko baliabidea izateaz gain, sarritan baliabide eskasa da. Txikitatik ikusi zuen nola borrokatzen ziren bizilagunak ur garbia eta segurua lortzeko, eta horrek bere etorkizun profesionala markatu zuen.<\/p>\n
Eskola-garaian, Roots and Shoots programarekin bat egin zuen. Zehazki, Jane Goodallek sortutako gazte-ekintzako programa horrek gazteak biltzen ditu, ingurumeneko, kontserbazioko eta gizaldeko gaietan lan egiteko.<\/p>\n
Eta unibertsitate-garaian, Ameriketako Estatu Batuetara joan zen, Fisikako lizentzia eskuratu zuen Vassar Collegen eta tesi bikoitza egin zuen, Ingeniaritzakoa eta Teknologiakoa eta Ingurumen Politikakoa Massachusettseko Teknologia Institutuan (MIT).<\/p>\n
Hain zuzen, Indian landa-eremuetako ura monitoreatzeko sistemak ikertzen bere tesirako, landa-arloko saneamenduari eta putzu publikoetan uraren kalitatea estaltzen zuen datu-baseari buruzko informazioa lortu zuen, eta horrek bultzatu zuen uraren krisiari heltzera Txinako landa-inguruneetan.<\/p>\n
Irtenbide berritzaileak aurkitu nahi zituen uraren kudeaketarako, Txinako landa-komunitateetan ur garbia eskuratu ahal izatea bermatzeko helburuarekin.<\/p>\n
Hala, 2015ean, MyH2O<\/strong><\/a> sortu zuen, uraren kalitatea denbora errealean mapatzeko teknologia erabiltzen duen plataforma digitala.<\/p>\n Dagozkien azterlanak egiten dituzten unibertsitario boluntarioen sare baten bidez, MyH2O plataformak uraren kalitateari buruzko informazio eguneratua eta ura garbitzeko aukerei buruzkoa ematen du.<\/p>\n Hartara, ezinbesteko informazio horrek ahalbidetzen die komunitateei edateko ur seguruaren iturriak identifikatzea eta haien erabilerari buruzko erabakiak hartzea.<\/p>\n Era berean, plataformak komunitateak lotzen ditu kutsatutako uraren iturriak garbitzean espezializatzen diren erakunde eta enpresekin.<\/p>\n NBIP Nazio Batuen Ingurumen Programak Lurreko Gazte Irabazlea izendatuta, ingurumenaren aldeko ekintzaileak gardentasuna eta konpromiso zibikoa bultzatzen du, bere herrialdean kutsadura gutxitzeko eta bizi-kalitatea hobetzeko.<\/p>\n Forbesen \u201c30etik beherako 30\u201d zerrendan dago eta BBCk itzal handiko 100 emakume eta emakume inspiratzaileen artean sartu zuen 2019an, eta, hala, Xiaoyuanen nahia da ur kutsatuaren arriskuen gaineko kontzientzia sorraraztea eta herritarren artean irtenbideak eragitea.<\/p>\n Gainera, ur garbia eskuratu ahal izateko oinarrizko giza eskubidearen alde borrokatzen da.<\/p>\n Urari buruzkoartikuluak intereskotzat hartzen badituzu, post hauek irakur ditzakezu:<\/p>\n Urumea, ur-meheen ibaia<\/a><\/strong><\/p>\n Ez daitezela egarriak egon gure zuhaitzak<\/a><\/strong><\/p>\n Premiazkoa: hondakin plastikorik ez ibaietan<\/a><\/strong><\/p>\n Ura funtsezkoa denean norberaren lanerako<\/a><\/strong><\/p>\n