Gero eta handiagoa den erronka bat dute aurrez aurre hiriek: muturreko beroa. Bero-boladak areagotzen dituen eta tenperatura globalak berotzen dituen klima-aldaketa honekin, hirigintzaren betebeharra egokitzea da, hiri-ekonomia, -osasuna eta -azpiegitura babesteko.<\/p>\n
Izan ere, hiriak haien inguruetan dauden landa-eremuak baino beroagoak dira, nabarmen beroagoak, eraikinen dentsitate handiarengatik, azpiegiturak pilatzeak beroa hartzen baitu egunez eta astiro askatzen baitu gauez.<\/p>\n
Gainera, jeneralean, beroa xurgatzen duten azalerek inguratuta egoten dira, adibidez, asfaltoak eta hormigoiak inguratuta.<\/p>\n
Kasu batzuetan, itzala emango duen zuhaitzik edo berdegunerik ez egoteak aurrekoaren ondorioak okertzen ditu eta horren guztiaren emaitza da \u201chiriko bero-uharte\u201d esaten zaion efektua, zeina energia-eskaera handitzearen (energia-eskaera izugarri altxatzen da, batez ere, hozteko, eta, beraz, gainkargak eta kostu elektriko handiak gertatzen dira) eta airearen kalitatea okertzearen arduraduna den, nagusiki, hiri handietako kutsadura handitzen delako.<\/p>\n
Uste izatekoa den moduan, horrek guztiak ondorio zuzenak ditu herritarrengan, bero-kolpeak eta deshidratazioa pairatu baititzakete eta bai arnasa hartzeko arazoak edo arazo kardiobaskularrak ere.<\/p>\n
Ez dugu ahaztu behar, gainera, herritar horiek, gehienak, langileak direla, eta, hortaz, osasun-arazo horiek kostu ekonomikoak ekartzen dituztela, beroak lan-produktibitatea gutxitzen baitu, bereziki, aire zabaleko lanetan (eraikuntza, hirietako mantentze-lanak, hiri-periferiako nekazaritza) eta aireztapen txarra duten toki itxietan egiten direnetan.<\/p>\n
Horren guztiaren aurrean, hirietan, bero-babeslekuak sortzeak protagonismo berezia hartzen du, hau da, berdeguneak sortzeak, adibidez, parkeak edo korridore ekologikoak.<\/p>\n
Beste alde batetik, sabai berdeak edo estalki eta zoladuretarako eguzki-argia islatzen duten material islatzaileak erabiltzeak beroa xurgatzea gutxitu ahal du eraikin eta azpiegituretan.<\/p>\n
Eraikin horiek, gainera, aireztapen naturala alde izateko orientazio egokia badute eta energia gutxiago kontsumitzeko eta iturri berriztagarriak erabiltzeko diseinatuta badaude, hondar-beroa sortzea murrizteko, kontrol termikoa pitin bat errazagoa da.<\/p>\n
Ez dago dudarik, egoera hau izanda, hiri-plangintzak garai berrietara egokitu behar duela eta kale zabalen, itzala dutenen eta, gainera, berdeguneak hartzen dituztenen alde egin behar duela.<\/p>\n
Azken batean, baliteke klima aintzat hartzen duen eta horretaz ohartzen den hiri-diseinua garatzea izatea herritarren erosotasuna eta osasuna hobetuko duena, hirien ekonomia- eta ingurumen-erresilientzia indartuko duena izateaz gain.<\/p>\n
Eta gero eta beroagoa den mundu honetan badirudi ez dagoela, gutxienez, horretan saiatu beste erremediorik.<\/p>\n
Gehoago jakin nahi baduzu:<\/p>\n
Hiriko zuhaitz baten itzalean<\/a><\/strong><\/p>\n Bartzelona, berdez janzten den hiri handi bat<\/a><\/strong><\/p>\n Zementuaren eta berdeguneen bizikidetza Nafarroako udalerri txikienean<\/a><\/strong><\/p>\n