Mundu aldakor batean bizi gara, eta bertan berehalakotasuna eta presa etengabeak dira. Hala ere, badirudi slow fashion edo moda lasaiak aurka egin nahi diola erritmo horri eta bere joko-arauak ezarri nahi dituela, hartara, ingurumena eta pertsonen komunitatea lehentasun bihurtzeko. Indonesiako SukkhaCitta enpresa horren erakusgarri ona da.
Janzten ez duzun zenbat arropa daukazu armairuan? Pentsatu al duzu inoiz arropa hori baztertzea? Jakingo zenuke nola egin? Galdetuko zenioke zeure buruari nora iritsiko litzatekeen? Edukiontzi arrosetan edo garbiguneetan jasotzen diren ehun-gaien % 75 inguru primeran berrerabil edo birzikla daitezke. Bihur ditzagun hondakin horiek baliabide.
