Hondakinen kudeaketa gure garaiko ingurumen-erronka handietako bat da.
Biztanleria handitzeak, batez ere hirietan, ekartzen du sortzen diren hondakinen kantitatea ere handitzea eta horrekin batera materialak modu eraginkorrean birziklatu eta berrerabili beharra, ekonomia zirkular sendotu bat garatzea lortu nahian.
Prozesu honetan, adimen artifiziala protagonismo eztabaidaezina hartzen ari da.
Adimen artifizialeko ereduen entrenamenduak eta erabilerak datu-zentro handietan pilatzen den potentzia eta energia ikaragarria eskatzen dute, non milaka zerbitzarik atsedenik gabe lan egiten duten. Prozesadore horiek errendimendu osoan lan egiten dutenean bero handia sortzen dute, eta, gehiegi berotzea ekiditeko, hozte-sistemak erabiltzen dira, sarritan ura erabilita hoztea ekartzen dutenak.
Ondorioz, egun, adimen artifizialeko eredu bati egiten zaion kontsulta bakoitzak ingurumen-kostu garrantzitsua ezkutatzen du: ur-kontsumoa.
