Azterlan batek agerian utzi du ezti-erleek ez dutela ausaz hegan egiten, baizik eta banako bakoitzak erlauntzaren eta elikagai-iturriaren arteko bere ibilbidea buruz ikasten duela eta zehaztasun harrigarriarekin errepikatzen duela, baita nekazaritzako paisaia konplexuetan ere. Gainera, orientazioa zehatzagoa da erreferentzia bisual argiak daudenean, hala nola zuhaitzak edo heskaiak. Horrek sendotzen du nekazaritza-sinplifikazioak, biodibertsitateari ez ezik, polinizatzaileen eraginkortasun energetikoari ere eragiten diola.

Gehiago irakurri

2025eko martxoan, Mankomunitateak intsektuentzako bi hotel berri kokatu ditu, bata Artetako iturburuan eta bestea Mendillorriko ur-biltegietako esparruan, biodibertsitatea aberasteko eta bertako fauna behatzea sustatzeko xedearekin.
Ekimen honen helburu nagusia da bi toki horietan interes naturalistikoko guneak sortzea, erle bakartiak, amona mantangorriak edo krisopak behatu eta identifikatzea erraztuta, hartara, intsektu horiek bi kokaleku horietako oreka ekologikoan eta polinizazioan duten eginkizun garrantzitsua nabarmentzeko.

Gehiago irakurri

Eva Cranek fisikari nuklear gisa zuen etorkizun oparoko ibilbidea alde batera uztea erabaki zuen, bere ikerketen arreta erleetan jarri eta gero, dibulgazio-lanetan aritzeko. 1942. urtea zen, Ingalaterra Bigarren Mundu Gerran sartuta zegoen eta berari erlauntz bat oparitu zioten ezteietako opari moduan.

Gehiago irakurri