Turismoaren masifikazioa itsasertzeko tokietan, arrain-saldoen gehiegizko ustiapena, klima-aldaketa, jarduera tradizionalak bertan behera uztea… horiek dira gure itsasoek dituzten gaitzetako batzuk. Horregatik da ezinbestekoa ozeanoko baliabideen erabilera iraunkorra hazkunde ekonomikorako, bizibideak hobetzeko eta enplegua sortzeko, itsas ekosistemen osasuna babestuta. Ekonomia urdina esaten dioguna da.
Muturreko baldintza klimatologikoak, klima-aldaketa, luzaroko lehortea eta neurriz gainekoa, behin eta berriz gertatzen diren bero-boladak… Suteek lurralde handia suntsitu dute León probintzian. Ezer egin daiteke etorkizuneko suteak ekiditeko? Zer egin behar da aurtengo garren ondorioak arintzeko? Leonor Calvorekin hitz egin dugu, doktorea baita Leongo Unibertsitatean, aditua landare-birsorkuntzan baso-suteen ondoren eta Ekologia Aplikatuko eta Teledekzioko Ikerketa Taldeko kidea.
Kataluniako Talkual enpresaren helburua elikagaiak alferrik galtzearen aurka borrokatzea da. Eta pixkanaka lortzen ari da; izan ere, 2020an sortu zenetik, saltoki handien baldintza estetikoak betetzen ez dituzten 5 milioi fruta eta barazki erreskatatu ditu.
Orain produktu berrietara zabaldu nahi du eskaintza, beti fruta eta barazkiak oinarritzat harturik: barazki kremak, marmeladak eta tomate sofrituak.
Hidrogenoa unibertsoan ugarien dagoen elementua da, eta dauzkan aukera energetikoak oso handiak dira. Elektrizitatea sortzeko aukera fidagarria izango da hidrogenoa? Ibilgailu modernoen erregai berria izango da?
Sendoa Florez Palaciorekin hitz egin dugu. Telekomunikazioetako eta elektronikako irakaslea da, eta bai ikerketaren arloko zale amorratua ere.
Mundua aldatzen ari da, eta berarekin batera, irakaskuntza-premiak. Bigarren Hezkuntzako eta goi-mailako zikloetako ikasleek ongi aski dakite hori eta zerbaitegatik ari dira prestakuntza hartzen inguruan duten guztia eraldatzeko.
Horren adibidea da Somorrostro Prestakuntza Zentroa, non hidrogenoa ikertu eta ikastea zerbait liluragarri bihurtu den; industria-engranajean benetako aplikazioa bilatzen duen zerbait, hain zuzen.
Jennifer Uchenduk SustyVibes sortu zuen, iraunkortasuna sustatzeko metodoei buruz gazteek iritzia ematen duten eta ardura handiagoa hartzea jorratzen duen erakunde bat. Gero, Eco-Anxiety África (TEAP) proiektua jarri zuen martxan, eta haren nahia da ekoantsietatearen esperientzia ulertzea Afrikako populazioetan, ikerketaren eta dibulgazioaren bidez, gai honi buruzko kontzientzia eta tokiko ekintzak sortuz eta elkarrizketa eta elkar zaintzeko guneak zabalduz.
Hain ona izan da esperientzia, ezen Jeniferrek aurreikusita baitu profesionalei prestakuntza ematea, antzeko guneak ezartzeko Hegoafrikan, Ghanan eta Kenyan.
Hainbat arlotan energia-iturri klasikoen alternatibak aurkitzeko egiten ari diren ahaleginek garrantzi berezia hartzen dute.
Sendoa Florez Palacio telekomunikazioetako eta elektronikako irakaslea da, eta bai hidrogenoak eskain ditzakeen aukerak esploratzen ari den ikerketa-arloko zale amorratua ere.
Mancoeducak eta Hegoalde ikastolak proiektu batean parte hartzen dute. Proiektu horretan, enara azpizuriak eta sorbeltzak behatzen eta aztertzen dituzte ikastetxearen inguruan, eta auzokoen arteko komunikazio-kanpaina bat diseinatzen eta abian jartzen dute, hegazti horien babeslekuak gordetzeko.
Sarriguren BHI institutuan, DBHko 1. mailako ikasleek “Sarri for Future” programa jarri dute abian, eta, hala, haren bitartez Ingurumen Batzorde bat sortu dute, ikastetxearen ekoauditoretza egiteko, ingurumen-arazo nagusiak identifikatzeko eta haiek konpontzeko irtenbide zehatzak proposatzeko bidea eman dien gunea. Sarriguren BHIko ekimenak argi erakusten du gazteak ingurumen-arazoen irtenbideak bilatzean inplikatzea posible dela.
NUP Nafarroako Unibertsitate Publikoko Zientzien Katedrak “Perspectiva. El panorama de la energía en perspectiva” liburua kaleratu du, ikasleei eta bisitariei energia fosilen eta beste energia batzuen erabileraren gaineko kontzientzia harrarazteko helburuarekin.
Lan horretan, neurri berri bat asmatu dute, gure eguneroko zereginetan kontsumitzen dugun energia kalkulatzeko: gizaki batek egun batean bizitzeko behar duen energia-kantitatea.
Modu ona da energia kontsumoaren erabilerari eta gehiegizko erabilerari buruzko hausnarketa eragiteko.
