Oro har, herritarrak ez dira ingurumenarekiko duten arduraren oso jakitun, eta uste dute enpresak, gobernua eta beste herrialde batzuk direla beroketa globalaren arduradunak.

Baina ez da gauza bera gertatzen toki guztietan. Suediako gizarteak, esate baterako, serio hartzen du iraunkortasunaren, ingurumenaren eta birziklatzearen kontua. Kontzientziazioa maila guztietan gertatzen da: enpresetan, gobernuan eta herritarren artean, zeinak mundu osoan hobeki birziklatzen dutenak bihurtu diren. Horrenbestez, esan daiteke han jakitunago direla birziklapena ingurumenari laguntzeko moduetako bat dela.

MUNDU OSOAN HOBEKIEN BIRZIKLATZEN DUEN HERRIALDEA
Egun, Suediak hondakinen %99 birziklatu edo berrerabiltzen ditu; beste herrialde batzuetan, ordea, hala nola Espainian, udal-hondakinen birziklapena %33,9koa da. Hortaz, egun Suedia da jarraitu beharreko adibidea, gure hondakinak baliatu eta energia eta aberastasuna sortu nahi badugu.

Bertako datuek sistemaren eraginkortasuna erakusten dute:

Legez, Suedian birziklapen-estazioak jarri behar dira bizitegi-gune bakoitzean. Herritar gehienek birzikla daitezkeen hondakinak beren etxeetan bereizten dituzte, beren bizitegi-guneetako edukiontzi berezietara botatzen dituzte, gero birziklapen-estazioetara eramateko.

Birziklatzea laguntzeko beste neurri batzuen artean, Suediak kolore desberdinetako poltsak erabiltzen ditu hondakinak bereizteko; arropa erabilia birziklatu egiten da eta deskontuak egiten zaizkie egiten duten pertsonei; ez kutsatzea bermatzen duten estandarrekin erretzen da zaborra; zabor elektronikoa eta hondakin arriskutsuak biltzeko, eta bai produktu kimikoak ere, zabor-kamioi bereziak erabiltzen dira; telebista edo etxetresna elektriko erabiliak birziklapen-zentro espezializatuetara garraiatzen dira, hirien kanpoaldean; botikek sobera gelditzen diren sendagaiak jasotzen dituzte…

Egia esan, gainerako herrialdeetan oso hedatuta dauden neurriak dira. Orduan zergatik dira Suediako emaitzak ezin hobeak eta beste leku batzuetakoak ez? Beharbada, herrialde hori eta bere auzokoak desberdintzen dituena bertako biztanleak dira, adituak direnak birziklapenean eta ingurumen-kontzientzia handikoak.

Argazki: Markus Spiske en Unsplash