Gaur egun, ehun-gaien ekoizpenaren % 13 baino ez da birziklatzen. Ehun-hondakinen 92 milioi tona iristen dira urtero zabortegietara. Eta hori gelditu eta amaitzeko unea iritsi da. Orain, indarreko legediak enpresak eurak egiten ditu beren hondakinen kudeaketaren arduradun, eta ekonomia zirkularra haien guztien helburu nagusi bihurtu da. Asmoa da ehun-hondakinak etorkizuneko produktuetarako lehengai bihurtzea.
Hiria gizatiartzea, pertsonengan ardaztea eta haietako bizi-kalitatea hobetzea da “trafikoa baketzearen” erronka. Zehazki, Europako hainbat hiritan ezartzen ari den neurri-sorta da, hirietan auto pribatuen abiadura eta kopurua murrizteko eta zarata gutxitzeko helburuarekin.
Munduko batezbestekoa baino bi aldiz azkarrago ari da berotzen Europa, eta muturreko beroa ondorio zuzenak izaten ari da hirigintzan. Landare gutxiago eta biztanle-dentsitate handiagoa dituzten hiriak zaurgarriagoak dira tenperatura beroekiko, eta horrek estres termikoa eragiten du, akatsak azpiegituretan eta energia-eskaera handitzea. Kontinente Zaharra egoerak eskatzen duen mailan egongo da?
EBk urtero milaka milioi tona lehengai kontsumitzen ditu bere ekonomiak elikatzeko. Material horien guztien % 12 bakarrik birziklatua da, 2030erako bikoitza izatea helburu den arren.
Europar Batasunak birziklatutako produktuen kontsumoa handitzea espero du, 2026an onartuko den Ekonomia Zirkularraren Legearekin. Posible ote da?
Kataluniako Talkual enpresaren helburua elikagaiak alferrik galtzearen aurka borrokatzea da. Eta pixkanaka lortzen ari da; izan ere, 2020an sortu zenetik, saltoki handien baldintza estetikoak betetzen ez dituzten 5 milioi fruta eta barazki erreskatatu ditu.
Orain produktu berrietara zabaldu nahi du eskaintza, beti fruta eta barazkiak oinarritzat harturik: barazki kremak, marmeladak eta tomate sofrituak.
2025eko martxoan, Mankomunitateak intsektuentzako bi hotel berri kokatu ditu, bata Artetako iturburuan eta bestea Mendillorriko ur-biltegietako esparruan, biodibertsitatea aberasteko eta bertako fauna behatzea sustatzeko xedearekin.
Ekimen honen helburu nagusia da bi toki horietan interes naturalistikoko guneak sortzea, erle bakartiak, amona mantangorriak edo krisopak behatu eta identifikatzea erraztuta, hartara, intsektu horiek bi kokaleku horietako oreka ekologikoan eta polinizazioan duten eginkizun garrantzitsua nabarmentzeko.
Burlatako Astakatasuna Bigarren Hezkuntzako Institutoak Arga Bizirik proiektua aurrera eraman du ikasturte honetan. Datuak jasotzea, aldaketak ikustea, hori guztia ikertzea, eztabaidak egitea, ondorioak ateratzea… Hori guztia ingurumena ongi ezagutzeko modurik egokientzat hartu dute ikasleek. Proiektu osoa bukatu ondoren ondorio batzuk azpimarratu dituzte: naturaren faktore guztiek elkarri eragiten diétela eta ibaiko aniztasunaren eta naturan dagoen oreka mantentzea premiazkoa dela.
Hidrogenoa unibertsoan ugarien dagoen elementua da, eta dauzkan aukera energetikoak oso handiak dira. Elektrizitatea sortzeko aukera fidagarria izango da hidrogenoa? Ibilgailu modernoen erregai berria izango da?
Sendoa Florez Palaciorekin hitz egin dugu. Telekomunikazioetako eta elektronikako irakaslea da, eta bai ikerketaren arloko zale amorratua ere.
Kafe-hondarrak, esnearen tetrabrika, dilisten kontserba-potea, erratzez garbitutakoan bildutakoak, arropa-garbigarriaren ontzi hutsa… Ikaragarrizkoa da egunero sortzen dugun hondakin-kantitatea.
Kartoizko kaxa bat edukiontzi grisera botatzen dugunean, zabortegian lurperatuko duten hondakin bihurtzen da. Alabaina, teknologiak aurrera egin du, eta gure kartoizko kaxak bereizi eta baliabide berri bihurtzeko aukera ematen duten tokietan bizitzeko zortea dugu, hartara, gurpila etorkizun iraunkorrago baterantz birarazten jarraitzeko. Kartoizko kaxa bat toki egokian botatzea… Garrantzi handiko ondorioak dituen keinu txiki bat, ezta?
Mundua aldatzen ari da, eta berarekin batera, irakaskuntza-premiak. Bigarren Hezkuntzako eta goi-mailako zikloetako ikasleek ongi aski dakite hori eta zerbaitegatik ari dira prestakuntza hartzen inguruan duten guztia eraldatzeko.
Horren adibidea da Somorrostro Prestakuntza Zentroa, non hidrogenoa ikertu eta ikastea zerbait liluragarri bihurtu den; industria-engranajean benetako aplikazioa bilatzen duen zerbait, hain zuzen.
