Olinpiar eta Paralinpiar Jokoak munduko kirol-ekitaldi handienak dira. Eta handitasun horrek eragiten du, aldi berean, kirolera mugatzen ez den inpaktu bat, gizartea, ekonomia eta ingurumena ere hartzen baititu. Tokio 2020ren asmoa da iraunkortasunaren arloko eredu bihurtzea.
Elikagaiak eralgitzea mundu osoko berotegi-efektuko gasen %10en arduraduna da eta munduan urtean ekoizten diren elikagaien herena galdu edo hondatzea ekartzen duena. Gure gizarteko kide guztiok ardura dugu, erantzukizunaren zati bat, erosten, prestatzen, kontsumitzen eta askotan botatzen ditugun jan-edanen erabilera egokia edo desegokia egitean. Horregatik, garrantzitsua eta beharrezkoa da gertatzen denaren gaineko kontzientzia hartzea.
Hiru garbigune finko herri handietarako, sei garbigune herri txikietarako, bost garbigune mugikorrek zerbitzua ematen dieten 37 kokaleku, eta arropa eta oinetakoak botatzeko 98 edukiontzi berariazko. Iruñerriko Mankomunitateak etxeko hondakin bereziak gaika biltzea herritarrei errazteko ezarri duen sareari dagozkion datuetako batzuk dira, hain zuzen.
Urtero, Hondakinen Prebentziorako Europako Astearen antolatzaileek jardunbide onenak aukeratzen dituzte, lehiaketara aurkezten dituzten milaka proiektuen artetik. Ingurumenerako eragina murriztea helburu duten eta ikasleekin, herritarrekin edo enpresekin gauzatzen diren ekintzak dira 2018ko EWWR sariak jaso dituztenak.
Xandi Kreuzeder eta Joao Parrinha artista eta surflariak aldian-aldian etortzen dira Iruñera, beren artelanak erakustera. Bisitetako azkena Askatu ekimenaren kariaz egin dute. Hain zuzen, naturguneak garbitzeko ekintzak defendatzen ditu ekimen horrek, eta Iruñerriko Mankomunitatea ari da garatzen, Ecoembesekin batera. Oraingo honetan, Xandik eta Joaok dozena batetik gora eskultura berri eta handi ekarri dituzte, animalienak eta itsasoan aurkitu dituzten hondakinekin egindakoak. Uztailaren 5a bitartean, Iruñerriko toki desberdinetan kokatuko den erakusketa batean…
Mundu osoan, hondakin plastikoak metatzeari konponbideak bilatzen ahalegintzen diren bitartean, biodegradagarri moduan sustatutako produktuak gero eta gehiago merkaturatzen dira, erabili eta botatzekoak diren poltsen erabilerari erantzun erraz baten promesa eskaintzen dutelako. Baina kasu askotan, biodegradagarritasun hori promesa baino ez da. “Biodegradagarri” terminoak esan nahi du elementu kimiko naturaletan deskonposa daitekeela eragile biologikoen eraginez, besteak beste, eguzkiaren, uraren, bakterioen, landareen edo animalien eraginez. Ramani Narayan Michigan Estatuko Unibertsitateko ingeniari kimikoa da eta aditua…
Bere produktuak biltzeko ohiko plastikozko poltsen ordez bananondo-hostoak erabiltzea erabaki duen Thailandiako supermerkatuaren irudia batera gertatu da plastikozko hainbat objektu, besteak beste, lastotxoak eta txotx kotoidunak, 2021etik aurrera debekatzeko Europako Parlamentuaren erabakiarekin. Debeku hori plastikozko poltsen debeku ezagunari gehitu behar zaio, gainera. Erabilera bakarreko plastikoen kontrako borroka egitate soziala eta politikoa da, egunetik egunera indarra hartzen ari dena eta paradoxikoki supermerkatuan erabilera bakarreko plastikoen geruza eta geruzetan bilduta dauden produktuak…
Badirudi produktu organikoetatik, birziklatuetatik edo era organikoan tindatuetatik abiatuta egindako eta nagusiki tokian bertan fabrikatutako gero eta produktu gehiago eskaintzearen alde egiten ari dela ehunen merkatua. Esate baterako, multinazional ezagun batek kolore metalizatuen eta tonu pastelen alde egin du udaberri honetarako, eta bai “tie dye” estanpatuaren alde ere. Horiek denak modako joerak dira, baina botila birziklatuetatik edo poliester eta kotoi birziklatutik abiatuta lortu diren ehunak dituzten jantzietan aplikatuta daude. Multinazionalak…
Vik Munizek tradizionalki material ezohikoak erabili izan ditu erretratuak, paisaiak eta natura hilak sortzeko, eta gero argazkiak egin izan dizkie eta irudi zirraragarriak lortu ditu.
Behin erabiltzeko mozorro bat erosi eta ahaztuta uztea armairuan. Erabili eta botatzeko mozorroa, ehunen kalitatea txarra delako. Denoi egiten zaizkigu ezagunak halako egoerak. Aurten, urrezko lau arauetakoren bat erabiltzea proposatzen dizuegu, jantzi dibertigarri eta iraunkorrenak eduki ahal izateko.
