Laura Villadiego Carro de Combateren buru ageriko eta pentsalarietako bat da. Talde hori, hain zuzen, kazetaritza independentean aritzen da, eta kontsumitzen ditugun produktuen jatorria ikertzen du. Esaten du egungo kontsumo-kantitatea jasanezina dela eta badela garaia gizartea ahalduntzeko eta kontsumo kritikoa egiten hasteko, produktuen trazabilitatea exijituz. Kasu egingo diogu?
Javier Rico Nietok pertsonengan jartzen du arreta ingurumen-komunikazioaz hitz egiten duenean. Haren ustez, komunikazio hori giltzarria da; izan ere, hainbeste artifizializatu baita natura, ezen ez baikara ohartzen gauza berberaren parte garela. A ver Aves bere proiektuarekin, ibilbideak antolatzen ditu hirian, bai ikasleentzat eta bai herritarrentzat oro har ere, hegaztiak begiztatzeko eta gertu dugun zerbaitekin harritzeko helburuarekin.
Hiri modernoen eta natura-ingurunearen arteko loturarik ezak natura gabeziaren sindromeaz hitz egitera eraman ditu ikertzaileak eta dibulgatzaileak. Hala ere, gure osasuna eta espezie moduan elkarrekin bizitzeko eta irauteko gure gaitasuna, neurri handi batean, lotura hori bizirik edukitzearen mende daude.
Beren XX. edizioan, Amalur jardunaldiek bere horretan mantentzen dute beste topaleku batzuen topaketa izateko eta naturarekin eta ingurumenarekin lotura positiboak sortzeko espiritua. Alberto Luengo biologoa da proiektuaren sortzailea eta bultzatzailea, eta bere esperientzia kontatu digu.
Adimen artifizialeko ereduen entrenamenduak eta erabilerak datu-zentro handietan pilatzen den potentzia eta energia ikaragarria eskatzen dute, non milaka zerbitzarik atsedenik gabe lan egiten duten. Prozesadore horiek errendimendu osoan lan egiten dutenean bero handia sortzen dute, eta, gehiegi berotzea ekiditeko, hozte-sistemak erabiltzen dira, sarritan ura erabilita hoztea ekartzen dutenak.
Ondorioz, egun, adimen artifizialeko eredu bati egiten zaion kontsulta bakoitzak ingurumen-kostu garrantzitsua ezkutatzen du: ur-kontsumoa.
Iruñerriko Ibai Parkearen bihotzean kokatuta, San Andres Errota pertsonen eta ibaien elkargunea da.
Beste alde batetik, Errotaren beste ezaugarrietako bat bere espiritu erkidetua da, bera eraikitzea eta ondoren ustiatzea bi herriren baterako nahiaren emaitza izan baitzen: Atarrabia eta Uharteren elkarlana.
Jennifer Uchenduk SustyVibes sortu zuen, iraunkortasuna sustatzeko metodoei buruz gazteek iritzia ematen duten eta ardura handiagoa hartzea jorratzen duen erakunde bat. Gero, Eco-Anxiety África (TEAP) proiektua jarri zuen martxan, eta haren nahia da ekoantsietatearen esperientzia ulertzea Afrikako populazioetan, ikerketaren eta dibulgazioaren bidez, gai honi buruzko kontzientzia eta tokiko ekintzak sortuz eta elkarrizketa eta elkar zaintzeko guneak zabalduz.
Hain ona izan da esperientzia, ezen Jeniferrek aurreikusita baitu profesionalei prestakuntza ematea, antzeko guneak ezartzeko Hegoafrikan, Ghanan eta Kenyan.
Mancoeducak eta Hegoalde ikastolak proiektu batean parte hartzen dute. Proiektu horretan, enara azpizuriak eta sorbeltzak behatzen eta aztertzen dituzte ikastetxearen inguruan, eta auzokoen arteko komunikazio-kanpaina bat diseinatzen eta abian jartzen dute, hegazti horien babeslekuak gordetzeko.
Sarriguren BHI institutuan, DBHko 1. mailako ikasleek “Sarri for Future” programa jarri dute abian, eta, hala, haren bitartez Ingurumen Batzorde bat sortu dute, ikastetxearen ekoauditoretza egiteko, ingurumen-arazo nagusiak identifikatzeko eta haiek konpontzeko irtenbide zehatzak proposatzeko bidea eman dien gunea. Sarriguren BHIko ekimenak argi erakusten du gazteak ingurumen-arazoen irtenbideak bilatzean inplikatzea posible dela.
NUP Nafarroako Unibertsitate Publikoko Zientzien Katedrak “Perspectiva. El panorama de la energía en perspectiva” liburua kaleratu du, ikasleei eta bisitariei energia fosilen eta beste energia batzuen erabileraren gaineko kontzientzia harrarazteko helburuarekin.
Lan horretan, neurri berri bat asmatu dute, gure eguneroko zereginetan kontsumitzen dugun energia kalkulatzeko: gizaki batek egun batean bizitzeko behar duen energia-kantitatea.
Modu ona da energia kontsumoaren erabilerari eta gehiegizko erabilerari buruzko hausnarketa eragiteko.
