Karmenka ikertzaile eta dibulgatzaile sutsua da, 2001az geroztik, munduan bakarra den metodo baten bidez, estrategikoki kokatuta dauden zortzi glaziarretan izotza nola ari den urtzen aztertzen ari da, eta bai horrek planetarako dakarrena ere. Ez du amore ematen planetan aztarna positiboak uzteko premiaz konbentzitzeko ahaleginean.
Plastikoa planetako txoko guztietan aurkitu dezakegu. Batzuetan, lastotxoak, plastikozko edalontziak… pare bat minutuan baino ez dira erabiltzen, baina gero ehunka urte ematen dituzte desagertzeko. Degradatzea are motelago gertatzen da itsasoan.
Klima-aldaketaren kontrako borrokak denok ukitzen gaitu eta arazoari heltzea eskatzen du. Gobernuez eta erakundeez gain, herritarrek ere lagundu dezakete aldaketa sortzen.
Komuna giza eskubide bat eskuratzeko bidea ematen duen elementua da: saneamendua. Beste batzuk ere errazten ditu, hala nola osasuna, duintasuna eta ongizatea. Edonola ere, dela osasun-arazoak edo kutsadurakoak ekidingo dituzten instalazioak ez edukitzeagatik, dela egiten dugun erabilera txarrarengatik, komunak eskatzen du bere balioaren jakitun izatea. Komunaren Mundu Egunak hala ekarriko digu gogora.
Gure jantzien etiketak aldatzen hasi dira, gure kontzientziak egiten doazen era berean. Marka handi asko eta bai ehungintzako etxe txikiak ere beren jantzietan ehun iraunkor berriak sartzearen alde egiten ari dira.
Argi-kutsadura, gaueko gehiegizko argiztapena, gaizki zuzendua edo beharrezkoa ez dena ingurumen-inpaktuko arazo larria eragiten ari da, zuzenean giza osasunari, florari eta faunari eragiten diona. Fernando Jáuregui astrofisikariak, Argi Kutsadurari buruzko Azterlanen Espainiako Sareko kideak, arazo horren eta argiaren erabilera adimenduna ahalbidetzen duten argiztatze-sistemak diseinatu eta instalatu behar izatearen gaineko informazioa eman digu.
Ur-botila txikiak, elikagaien ontziak, paperak… Kirol-proba bat igaro den espazioetan eskuarki botata uzten diren elementuetako batzuk dira. “Ekitaldien eta hondakinen erregelamendua” kaleratzeko zorian dago Nafarroa, mota horretako hondakin gutxiago sortzeko.
Munduko biztanle guztion %90ek aire kutsatua arnasten dugu. Datu kezkagarria da, baina, era berean, saihesteko modukoa, gure esku baitago egoera hori arintzeko aldaketak egiten hastea.
Bi urtean behin gizarte- eta ingurumen-kontzientziazioari buruzko egungo lehiaketa garrantzitsuenetako bat antolatzen duen ekimena da “Segunda Llamada”. Lehen edizioan, 2009koan, 200 diseinutik gora izan ziren. Azkenekoan, berriz, 2.000 kartel baino gehiago izan dira, 50 herrialdetatik bidalitakoak. Gus Morainslierekin hitz egin dugu, eta 2018ko kartel onenak jarri ditugu ikusgai.
Gaur jaso ditugun istorioak azken hilabete eta asteetan ingurumenarekiko, planeta babestearekiko eta klima-aldaketaren kontra borrokatzearekiko politika konprometituagoen aldeko mugimendu ospetsuetan protagonista izaten ari diren gazteei dagozkie. Ezagutu nahi dituzu?
